مع تطوّر التكنولوجيا وظهور تقنيات جديدة، أصبح البحث عن فرص العمل سهل اونلاين ومش هتحتاج واسطه أو الاستعانة بشبكة معارفك عشان تعرف ايه الوظائف المتاحه.
بيت.كوم، أكبر موقع للوظائف في مصر والشرق الأوسط، ممكن من عليه تقدم بسهولة على مئات الوظائف الخاليه مهما كان مجال تخصصك ودراستك أو سنين خبرتك حتقدر تقدم أونلاين مجانا في أي شركات وأي مجال وأي بلد في الوطن العربي.
احنا حنمشي معاك خطوة خطوة الي بيها تعرف تقدم علي الوظائف الموجودة على بيت.كوم:
1. التسجيل مجاناً على بيت.كوم
أول حاجه لازم تعملها هي ان يكون لك حساب على بيت.كوم. الخطوة دي بتم بكتابة اسمك وبريدك الالكتروني وكلمة سر. ممكن التسجيلعن طريق حساب الفيس بوك أو جوجل بلس.
2. إنشاء أو تحميل السيرة الذاتية
طب انت عملت حساب ليه؟ عشان تقدم على شغل اكيد. في تاني خطوه، هيكون مهم اوي انك تعرف صاحب الشغل على خبرتك وتخصصك والحاجات الي تخليه يكلمك عشان شغل. وده معناه انت هتملي البيانات دي بدقه وكمان تسيب معلومات عشان صاحب الشغل يعرف يكلمك.
هنا في طريقتين: اما انك تملئ استمارة بيت.كوم مجهزهالك. الاستمارة دي فيها كل المعلومات الممكن صاحب العمل يكون محتاج يعرفه. بنسمي الاستماره دي “منشئ السيرة الذاتية“ لانه الاستماره دي بتعمل او تنشئ السيره الذاتيه الخاصه فيك.
لو انت بقي عندك سيره ذاتيه مكتوبه وجاهزه وفيها نمرتك وخبرتك، الطريقه التانيه ممكن تكون اسهلك. تقدر تحمل سيرتك الذاتية الجاهزة مباشرة على الموقع بانك تختار “اضف سيرتك الذاتيه” زي ماهو باين في الصورة كدا.
3. اكمال السيرة الذاتية
في الخطوة التالته، لازم تعرف صاحب العمل انت عايز تشتغل في ايه. اتأكد انك مليت كافة الأقسام المطلوبة في سيرتك الذاتية قبل ما تبتدي تقدم على الوظائف. يجب اضافة تفاصيل دقيقة على صفحتك عشان تضمن تناسبها مع متطلبات الوظيفة التي تتقدم اليها. والأهم من كدا، تتأكد من دقة وصحة بيانات الاتصال الخاصة بك.
4. البدء بالبحث عن عمل
انت كدا جاهز وتقدر تقدم على الوظيفه الي نفسك فيها في اي شركه في اي بلد ما دامت الشغلانه دي قريبه من مجال خبرتك. ممكن تدور باكتر من طريقه على شغل ممكن من خلال الدور الوظيفي (مهندس او طبيبه او سائق) والشركة والبلد. لو بتدور على شركة معينة أو دور وظيفي محدد، اكتبه في مربع البحث، وحتظهرلك كل الوظائف.
5. الاطلاع على متطلبات الوظيفه
اضغط على الوظيفة الي مناسبه ليك عشان تقرأ متطلبات الوظيفة والمهام والمسؤوليات. دي فرصه انك تتأكد أن الوظيفة تناسب مع خبراتك ومؤهلاتك، فالتقدم الى وظيفة غيرمناسبه مع مهاراتك يعني ان صاحب العمل ممكن يتجاهل طلبك.
6. التقدم الى الوظيفة
خلاص كدا انت لاقيت وظيفة مناسبه تقدم عليها وتأكدت من أنها تتناسب مع مهاراتك ومتطلباتك، دوس على زرار “تقدم الآن”. لاحظ ان احتمال صاحب الشغل يطلب منك شويه معلومات تانيه قبل ما يشوف طلب تقديمك زي انك تقدم وثائق اضافية. زود المطلوب وبكدا تكون قدمت.
7. الخطوات التالية
بعد التقديم هيجيلك ايميل لتأكيد انك تقدمت الى الوظيفة بنجاح. سيقوم صاحب العمل بالتواصل معك مباشرة او عايز يدعوك لمقابلة العمل. بس متتوقفش عن البحث عن وظيفة جديدة وتنتظر اتصال من صاحب العمل. بالعكس بننصحك تقدم الى عدد أكبر من الوظائف الموجودة على بيت.كوم.
نصيحه مهمه: اصحاب العمل ممكن يتصلو بيك من غير ما تقدم على شغلانه معينه لو محتاجين تخصصك. عشان كدا اتأكد من وقت للتاني ان بيانات الاتصال بيك محدثه وزود خبراتك ومجال عملك عشان تسهل عليه انه يلاقيك ويعرف يكلمك. بالتوفيق.
